حه‌دیسا سیهــ وپێنجێ
ڕێبازا گازیكه‌رى
35 ـ عَنْ أَبي الطُّفَيْلِ عَامِرُ بْنُ وَاثِلَةَ قَالَ : كُنْتُ عِنْدَ عَلِيِّ بْنِ أَبِي طَالِبٍ فَأَتَاهُ رَجُلٌ ، فَـقَـالَ : مَا كَانَ النَّبِيُّ ـ صَلَّى اللَّهُ عَلَيْهِ وَسَلَّمَ ـ يُسِرُّ إِلَيْكَ ؟ قَالَ : فَغَضِبَ ، وَقَالَ : مَا كَانَ النَّبِيُّ ـ صَلَّى اللَّهُ عَلَيْهِ وَسَلَّمَ ـ يُسِرُّ إِلَيَّ شَيْئًا يَكْتُمُهُ النَّاسَ ، غَيْرَ أَنَّهُ قَدْ حَدَّثَنِي بِكَلِمَاتٍ أَرْبَعٍ ، قَالَ : فَقَالَ : مَا هُنَّ يَا أَمِيرَ الْمُؤْمِنِينَ ؟ قَالَ : قَالَ : [ لَعَنَ اللَّهُ مَنْ لَعَنَ وَالِدَهُ ، وَلَعَنَ اللَّهُ مَنْ ذَبَحَ لِغَيْرِ اللَّهِ ، وَلَعَنَ اللَّهُ مَـنْ آوَى مُحْدِثًا ، وَلَعَنَ اللَّهُ مَـنْ غَيَّرَ مَنَارَ الأَرْضِ ] رواه مسلم .
عامرێ كوڕێ واثیلەى دبێژت : ئه‌ز ل نك عه‌لییێ كوڕێ ئه‌بوو طالبى بووم زه‌لامه‌ك هاته نك ، وگۆتێ : پێغه‌مبه‌رى ـ سلاڤـ لـێ بن ـ چ تشتێ نهێنى بۆ ته دگۆت ؟ ئینا ئه‌و عێجز بوو وگۆت : پێغه‌مبه‌رى ـ سلاڤـ لـێ بن ـ چ تشت نه‌دگۆته من یێ نه‌گۆتبا خه‌لكى ، به‌لـێ وى چار په‌یڤ بۆ مـن گۆتبوون ، گۆتێ : ئه‌و چنه ئه‌ى ( أمیر المؤمنین ) ؟ گۆت : وى گۆت : [ خودێ له‌عنه‌ت ل وى كرییه یێ له‌عنه‌ت ل بابێ خۆ كرى ، وخودێ له‌عنه‌ت ل وى كرییه یێ قوربانى بۆ ئێكى ژبلى خودێ ڤه‌كوژت، وخودێ له‌عنه‌ت ل وى كرییه یێ بیدعه‌چیه‌كى بحه‌وینت ، وخودێ له‌عنه‌ت ل وى كییه یێ نیشانێن عه‌ردى ڤه‌گوهێزت ] موسلم ڤه‌دگوهێزت .
وئه‌ڤـ حه‌دیسه د گه‌ل كورتییا په‌یڤێن وێ بناخه‌یێ ڕێبازا گازیكه‌رى بۆ وى ئاشكه‌را دكه‌ت وكانێ ئه‌و گازییا خۆ دێ ل سه‌ر چ ئاڤا كه‌ت ، وكانێ ئه‌و مافێن دین ل سه‌ر هاتییه ئاڤاكرن چنه .
په‌یڤا ئێكێ : مافێ نه‌فسێ بنه‌جـهــ دكه‌ت .
یا دووێ : مافێ ته‌وحیدێ .
یا سییێ : مافێ عیباده‌تى .
یا چارێ : مافێ كه‌سێن دى .
ڤێجا هه‌چییێ مافێ خۆ بپارێزت ، ومافێ ته‌وحیدا خودێ ، ومافێ عـیباده‌تى ، ومافێ خه‌لكى ژى بـپـارێـزت ، ئه‌و ڕێبازا وى پێكهات ، و ب كارئینانا وى جوان بوو . و ل بیرئینانا ڤان هه‌ر چار مه‌سه‌لێن گشتى وگازیكرن بۆ ب جهئینانا وان كاره‌كێ ب ساناهى نینه وه‌كى هنده‌ك هزر دكه‌ن ، به‌لكى ئه‌و كاره‌كێ ب زه‌حمه‌ته بارا پتـر ژ ژییێ داعیه‌ى ڤه‌دگرت هێشتا ئه‌و نه‌شیاى هنده‌كێ ژێ ژ سه‌ر خۆ ڕاكه‌ت ، ڤێجا هه‌چییێ پشت بده‌ته ڤێ ڕێـبـازا ئاشكه‌را وڤان مه‌سه‌لێن ژێگۆتى ب پشت گوه ڤه لـێ بده‌ت و ب هنده‌ك تشتێن بێ بها بگوهۆڕت پێتڤییه ل سه‌ر وى ئه‌و وباره هزرا خۆ د كارێ خۆ دا بكه‌ت .
وپێخه‌مه‌ت ڤێ چه‌ندێ شاره‌زایییا گازیكه‌رى دڤێت .